Qirg‘izistonda TikTok ijtimoiy tarmog‘iga kirish cheklanadi. Ma’lumotni respublika Raqamli rivojlanish vazirligi tasdiqladi.
Vazirlikning aloqa sohasini tartibga solish va nazorat qilish xizmati Qirg‘izistondagi barcha internet-provayderlardan TikTok’ni cheklashni va tegishli javob qaytarishni so‘ragan.
Qarorga TikTok tomonidan Qirg‘izistonning “Bolalar salomatligi, ularning jismoniy, intellektual, aqliy, ma’naviy va axloqiy rivojlanishiga zarar yetkazilishining oldini olish chora-tadbirlari to‘g‘risida”gi qonuniga rioya etilmagani asos bo‘ldi. Qonunda bolalar salomatligi va rivojlanishiga zarar yetkazuvchi axborot turlari belgilangan, — deyiladi Raqamli rivojlanish vazirligi xabarida.
Eslatib o‘tamiz, Qirg‘iziston rasmiylari 2023-yil avgust oyida TikTok’ni blokirovka qilishga uringan. Shundan keyin Madaniyat vazirligi tomonidan tegishli so‘rov bilan xat yuborilgan, unda “bolalar uchun salbiy kontent va kattalar uchun yolg‘on xabarlar tarqalishi” haqida shikoyatlar keltirilgan. Keyinroq Qirg‘iziston Raqamli rivojlanish vazirligining aloqa sohasini tartibga solish va nazorat qilish xizmati hech qanday blokirovka bo‘lmasligiga ishontirgan.
Izoh (0)