Яқин кунларда катта экранларда янги шов-шувли фильм чиқиши кутилмоқда. Бутун дунёнинг энг бадавлат бизнесменлари рейтингида бир неча йил давомида етакчилик қилиб келган Илон Маск ўзи ҳақида автобиографик фильм олишни режалаштирган. Бу ҳақда Europa Plus нашри хабар берди. Бош рол учун номзод исми аллақачон маълум.
Илон Маск ҳақидаги байопик “Қора оққуш”, “Орзудаги реквием” номли кинолар муаллифи, америкалик режиссёр Даррен Аронофски томонидан суратга олинади.
Оммавий тадбирларнинг бирида журналистлар Илон Маскдан қайси актёрни уни ижро этиш учун лойиқ кўришини сўрашди. Бунга жавобан бизнесмен:
Сизнингча мени ким ижро эта олиши мумкин? — дея қарши савол берди.
Брэдли Купер ҳақидаги журналистларнинг тахминига Илон Маск ўзини кулгидан тия олмади ва шахсий таклифини билдирди:
Британиялик актёр Бенедикт Камбербэтчга нима дейсиз?
Бунга жавобан ОАВ вакилларининг розилик олқишлари янгради ва Илон камерага қарата машҳур Шерлок образини гавдалантирган актёрга мурожаат қилди:
Хўш, Бенедикт, сиз нима деб ўйлайсиз?
Бенедикт Камбербетчнинг жавобини интизорлик билан кутамиз. Мазкур лойиҳа кино саноатида ўчмас из қолдиради деган умиддамиз.
Фильмлар мавзусини давом эттирар экан, журналистлар Маскка Том Круз билан ҳамкорлик ҳақида савол берди.
Машҳурлар “Уддалаб бўлмас топшириқ” фильмининг навбатдаги қисмини коинотда суратга олмоқчи бўлгани ҳақида миш-мишлар тарқалган эди.
Биз актёр билан бу ҳақда музокаралар ўтказдик, лекин Том Круз бу ҳақда қандай фикрда эканлигини ҳануз билмайман, — деди Илон Маск.
Технологиялар миллиардери ҳақидаги ҳикоя Уолтер Айзексоннинг “Илон Маск” китоби асосида суратга олинади.
Изоҳ (0)