“Los-Anjeles Leykers” hujumchisi Lebron Jeyms muntazam mavsum sarhisobi va pley-off oldidan o‘zini qanday his qilayotgani haqida gapirdi.
“Umuman olganda, mavsum yaxshi o‘tdi, barcha qiyinchiliklarga qaramay, o‘tgan yilgi mavsumga qaraganda ko‘proq g‘alaba qozondik. NBA kubogida g‘alaba qozonganimizni esdan chiqarmaylik.
Hozir o‘zimni o‘tgan yilgi pley-offgacha bo‘lgandagi holatimga qaraganda yaxshiroq his qilyapman. Albatta, o‘ziga yarasha og‘riqlar bor, bularni yengib o‘tishga harakat qilaman.
Bu mavsumda 73ta o‘yin o‘tkazdim. Menimcha, bu ajoyib ko‘rsatkich. Faoliyatimning hozirgi bosqichida bu men uchun yutuq”, — deya Lebron so‘zlarini keltiradi jurnalist Deyv Makmenamin X (sobiq Twitter) ijtimoiy tarmog‘ida.
Mashhur amerikalik basketbolchi 39 yoshda va dunyoning eng yaxshi basketbolchilar qatorida turadi.
Izoh (0)