“Лос-Анжелес Лейкерс” ҳужумчиси Леброн Жеймс мунтазам мавсум сарҳисоби ва плей-офф олдидан ўзини қандай ҳис қилаётгани ҳақида гапирди.
“Умуман олганда, мавсум яхши ўтди, барча қийинчиликларга қарамай, ўтган йилги мавсумга қараганда кўпроқ ғалаба қозондик. NBA кубогида ғалаба қозонганимизни эсдан чиқармайлик.
Ҳозир ўзимни ўтган йилги плей-оффгача бўлгандаги ҳолатимга қараганда яхшироқ ҳис қиляпман. Албатта, ўзига яраша оғриқлар бор, буларни енгиб ўтишга ҳаракат қиламан.
Бу мавсумда 73та ўйин ўтказдим. Менимча, бу ажойиб кўрсаткич. Фаолиятимнинг ҳозирги босқичида бу мен учун ютуқ”, — дея Леброн сўзларини келтиради журналист Дейв Макменамин Х (собиқ Twitter) ижтимоий тармоғида.
Машҳур америкалик баскетболчи 39 ёшда ва дунёнинг энг яхши баскетболчилар қаторида туради.
Изоҳ (0)