BAAning Dubay shahrida Xalqaro Kurash assotsiatsiyasining navbatdagi Boshqaruv yig‘ilishi bo‘lib o‘tdi.
IKA Prezidenti Haydar Farmon raisligida o‘tgan yig‘ilishda IKA vitse–prezidentlari, qit’aviy konfederatsiyalar prezidentlari, boshqaruv a’zolari, IKA administratsiyasi ishtirok etdi.
Afrika, Osiyo, Yevropa va Panamerika qit’asining kurash konfederatsiyalari prezidentlarining 2024-yilgi musobaqalar taqvim rejasi bo‘yicha hisobotlari tinglandi.
Xalqaro Kurash instituti tomonidan olib borilayotgan faoliyat, murabbiylik va hakamlik seminarlari taqdimot qilindi.
Shuningdek, yig‘ilish davomida hakamlik, kurashchilar vaznlari, milliy federatsiyalardagi parallel faoliyat, IKA a’zoligi va tan olinish kabi bir qancha muammoli holatlar muhokama qilindi.
Bundan tashqari yig‘ilishda, O‘zbekiston Kurash federatsiyasi raisi yordamchisi Sardor Karimov tomonidan Jahon Professionallar seriyasi musobaqasining 2024-yilda o‘tkazilishi bo‘yicha hisoboti taqdim etildi.
Izoh (0)