O‘zbekistonga 2024-yilning yanvar—fevral oylarida 16,9 ming nafar chet el fuqarosi tijorat maqsadida tashrif buyurgan. Bu haqda Statistika agentligi xabar berdi.
Qayd etilishicha, bu ko‘rsatkich o‘tgan yilning mos davri bilan solishtirilganda 11,5 ming nafarga yoki 3,1 barobarga oshgan. O‘zbekistonga 2024-yilning dastlabki ikki oyida eng ko‘p quyidagi davlatlarning fuqarolari tijorat maqsadida tashrif buyurgan:
- Turkmaniston – 12 013 nafar;
- Tojikiston – 2 937 nafar;
- Afg‘oniston – 582 nafar;
- Xitoy – 260 nafar;
- Turkiya – 243 nafar;
- Hindiston –167 nafar;
- Janubiy Koreya – 133 nafar;
- Qirg‘iziston – 101 nafar;
- Eron – 65 nafar nafar;
- AQSH – 61 nafar.
Avvalroq O‘zbekistonga 2024-yilning yanvar—fevral oylarida qariyb 13 mingdan ortiq chet el fuqarolari davolanish maqsadida tashrif buyurgani ma’lum bo‘lgandi.
Izoh (0)