O‘zbekistonda 2024-yilning ikki oyida qaysi sohada yangi korxonalar ko‘proq tashkil etilgani ochiqlandi

O‘zbekistonda 2024-yilning yanvar—fevral oyida 13 276 ta yangi korxona va tashkilotlar (fermer va dehqon xo‘jaliklarisiz) tashkil etilgan. Bu haqda Statistika agentligi maʼlumot berdi. 

Maʼlum qilinishicha, iqtisodiy faoliyat turlari bo‘yicha eng ko‘p korxona va tashkilot savdo sohasida tashkil etilgan – 4 792 ta.

Shuningdek:

• sanoat sohasida – 2 081 ta;
• qishloq, o‘rmon va baliqchilik xo‘jaligi sohasida – 1 140 ta;
• yashash va ovqatlanish bo‘yicha xizmatlar sohasida – 1 121 ta;
• qurilish sohasida – 675 ta;
• axborot va aloqa sohasida – 563 ta;
• tashish va saqlash sohasida – 448 ta;
• sog‘liqni saqlash va ijtimoiy xizmatlar ko‘rsatish sohasida – 262 ta;
• boshqa sohalarda – 2 194 ta.

Avvalroq O‘zbekistonda qurilish sohasida qancha korxona borligi haqida xabar berilgan edi.