Qoraqalpog‘iston Respublikasi bojxona boshqarmasi “Dovud-ota” chegara bojxona posti xodimlari tomonidan Bojxona qo‘mitasining Targetlash va xavflarni monitoring qilish boshqarmasi bilan hamkorlikda yashirin iqtisodiyotning oldini olish tadbirlari o‘tkazildi.
Qayd etilishicha, bojxona rasmiylashtiruviga taqdim etilmagan tovarlarning noqonuniy tarzda mamlakat hududiga kirib kelishining oldi olingan.
Mazkur post orqali qo‘shni Qozog‘istondan kirib kelgan MAN rusumli yuk avtotransport vositasi “Xavfni boshqarish” tizimi tomonidan “qizil” yo‘lakka yo‘naltirilgani sababli, Nukus shahridagi bojxona omborlaridan birida bojxona ko‘rigidan o‘tkazilgan. Natijada bojxona to‘lovlaridan qochish maqsadida yo‘l yuk hujjatlarida ko‘rsatilmagan qiymati 588 million so‘mga teng bo‘lgan 168 ming juft “Rezina qoplamali trikotaj qo‘lqop” tovarlarini bojxona rasmiylashtiruviga taqdim qilmasdan, mamlakat hududiga olib kirish holati aniqlangan.
Mazkur holat yuzasidan bojxona organlari tomonidan tergovga qadar tekshiruv harakatlari olib borilmoqda.
Avvalroq “Yallama” postida 830 mln so‘mlik LED chiroqlarning mamlakatga noqonuniy olib kirilishiga chek qo‘yilgani to‘g‘risida xabar berilgandi. Shuningdek, Buxoroda 15,5 mlrd so‘mlik pestitsidlarning mamlakatga noqonuniy olib kirilishining oldi olingan edi.
Izoh (0)