Fransiyalik 34 yoshli sportchi Anuk Garnye Parijdagi Eyfel minorasining ikkinchi qavatiga ko‘tarilib, erkaklar va ayollar o‘rtasida arqonda ko‘tarilish bo‘yicha jahon rekordini yangiladi. Bu haqda Euronews xabar berdi.
Sportchi qo‘llarining kuchidan foydalanib, 18 daqiqada 110 metr balandlikka ko‘tarilgan.
Mazkur tadbirdan maqsad “Saratonga qarshi liga” uchun mablag‘ yig‘ishdir.
https://x.com/LaTourEiffel/status/1778089600289853876
To‘siqlardan yugurish bo‘yicha ikki karra jahon chempioni Garnye bir yil davomida mashg‘ulot o‘tkazgan.
Ushbu rekordga erishish yo‘lida ko‘plab qiyinchiliklar bo‘lgan. Lekin men hech qachon bunga ishonishdan to‘xtamaganman. Mening aqlbovar qilmas orzularim ro‘yobga chiqdi, — deydi Garnye.
Avvalgi jahon rekordi janubiy afrikalik sportchi Tomas van Tonderga tegishli bo‘lib, u 2020-yilda Yoxannesburgdagi Soweto Towers o‘rtasida arqonda 90 metrga ko‘tarilgan edi.
Izoh (0)