Germaniyada yashovchi talaba Marsel Pol Bobby Car — elektron boshqariladigan o‘yinchoq mashinalar tezligi bo‘yicha jahon rekordini o‘rnatdi. Bu haqda Europaplus nashri xabar bermoqda.
Germaniya rekordlar instituti (RID) vakilining aytishicha, u Xokkenxaymring trassasida 148,45 km/soat tezlikka erishgan. Shu bilan birga, u Ginnesning rekordlar kitobi va RID tomonidan belgilangan 70 kilometrlik me’yordan oshib ketdi.
Rekordchi talaba hozirda elektr muhandisligi bo‘yicha tahsil olish bilan birga o‘yinchoq mashinalar tezligi ustida ish olib bormoqda.
“Katta tezlik doim menga zavq bag‘ishlagan”, — deya tan oladi Marsel. U Bobby Car xobbisi bilan bolaligidan shug‘ullanib kelgan va ushbu sport musobaqalarida 14 marta jahon chempioni va 9 marta Yevropa chempioni unvoniga sazovor bo‘lgan.
Marselning maqsadi o‘yinchoq mashinasida soatiga 141 km tezlikka erishish edi. “Kelajakka qaytib-2” filmida DeLorean DMC-12 rusumli vaqt mashinasiga aynan shu ko‘rsatkich talab qilingan edi. Yakuniy natija kutilmaganda 148,45 km/soat tezlikka yetdi.
Ginnesning rekordlar kitobiga kirish Marsel uchun oson kechmadi: u Bobby Car’ni takomillashtirish uchun 10 oy vaqt va 9 ming yevro sarfladi.
Izoh (0)