Франциялик 34 ёшли спортчи Анук Гарнье Париждаги Эйфель минорасининг иккинчи қаватига кўтарилиб, эркаклар ва аёллар ўртасида арқонда кўтарилиш бўйича жаҳон рекордини янгилади. Бу ҳақда Euronews хабар берди.
Спортчи қўлларининг кучидан фойдаланиб, 18 дақиқада 110 метр баландликка кўтарилган.
Мазкур тадбирдан мақсад “Саратонга қарши лига” учун маблағ йиғишдир.
🇫🇷 Félicitations à @AnoukGarnier pour son record du monde ! 110 mètres de corde raide grimpés à mains nues en seulement 18 minutes 👏💯
— La tour Eiffel (@LaTourEiffel) April 10, 2024
🌐Congratulations to Anouk Garnier who beats the #worldrecord! 110m of tightrope climbed with bare hands in just 18 minutes 👏
📽️@ridingzone pic.twitter.com/Bu99v1K4zv
Тўсиқлардан югуриш бўйича икки карра жаҳон чемпиони Гарнье бир йил давомида машғулот ўтказган.
Ушбу рекордга эришиш йўлида кўплаб қийинчиликлар бўлган. Лекин мен ҳеч қачон бунга ишонишдан тўхтамаганман. Менинг ақл бовар қилмас орзуларим рўёбга чиқди, — дейди Гарнье.
Аввалги жаҳон рекорди жанубий африкалик спортчи Томас ван Тондерга тегишли бўлиб, у 2020 йилда Йоханнесбургдаги Соwеtо Towers ўртасида арқонда 90 метрга кўтарилган эди.
Изоҳ (0)