Braziliya harbiy-havo kuchlari 500 kilodan ortiq kokain olib ketayotgan ikki dvigatelli samolyotni to‘xtatib qoldi. Bu haqda “TASS” xabar berdi.
Dastlabki ma’lumotlarga ko‘ra, samolyot qo‘shni Boliviyadan havoga ko‘tarilgan. Braziliya havo hududiga kirganida uchuvchi aloqaga chiqishdan bosh tortgan. Keyin mahalliy havo kuchlari uni Mato Grosso shtatiga qo‘nishga majbur qildi.
Tintuv davomida samolyot bortida 500 kilogrammdan ortiq kokain topildi.
4-mart kuni Rio-de-Janeyro aeroportida Braziliya tarixidagi eng yirik kokain jo‘natmasi musodara qilingandi. Politsiya 48 qop ichida deyarli 1,5 tonna giyohvand moddalarni aniqlagan.
Izoh (0)