“Liverpul” bosh murabbiyi Yurgen Klopp Londonning “Arsenal” jamoasiga qarshi o‘yinda “Manchester Yunayted”ni qo‘llab-quvvatlashi mumkinligi haqidagi savolga javob berdi.
“Ehtimol, qilarman. Agar biz hali ham chempionlik uchun kurashayotgan bo‘lsak, “Manchester Yunayted”ning g‘alabasi ajoyib bo'lardi. Ammo “Arsenal” yaxshi jamoa. Agar “Manchester Yunayted” bizga qarshi o‘ynagandek o‘ynasa, “Arsenal” g'alaba qozonadi. Bunga 100% ishonchim komil”, — deya Klopp so‘zlarini keltirgan jurnalist Saymon Stoun ijtimoiy tarmoqlardagi sahifasida.
7-aprel kuni Angliya Premyer Ligasining 32-tur uchrashuvi bo‘lib o‘tdi va unda “Manchester Yunayted” va “Liverpul” klublari to‘qnash kelishdi. O‘yin Manchesterdagi “Old Trafford” stadionida bo‘lib o”tdi va durang bilan yakunlandi.
Angliya chempionatining 31-turidan so‘ng “Manchester Yunayted” 49 ochko jamg‘arib, oltinchi o‘rinda bormoqda. O‘z navbatida, xuddi shunday sondagi o‘yinlardan so‘ng, “Liverpul” 71 ochko jamg‘arib, ikkinchi o‘rinni egallab turibdi.
Izoh (0)