“Liverpul” hujumchisi Muhammad Saloh bosh murabbiy Yurgen Klopp jamoani tark etganidan so‘ng ingliz klubidagi kelajagi haqidagi savolga javob berdi.
“Murabbiyning o'zgarishi klubdagi holatimga ta’sir qiladimi? Yo‘q. Bu hayot, hamma narsa o‘zgaradi. “Liverpul” ni muhim futbolchilar va murabbiylar avval ham tark etgan. Bir kun kelib men ham “Liverpul”ni tark etaman. Kloppning ketishi mening kelajagimga ta’sir qilmaydi”, —deya Salohning so‘zlaridan iqtibos keltirmoqda Sky Sports.
Eslatib o‘tamiz, misrlik futbolchi 2017-yilda “Roma”dan “Liverpul”ga ko‘chib o‘tgan edi. Joriy mavsumda Muhammad Saloh ingliz jamoasi safida barcha turnirlarda 30 ta o‘yin o‘tkazib, 19 ta gol va 10 ta golli uzatmani amalga oshirdi. Transfermarkt internet portaliga ko‘ra, 31 yoshli futbolchining bozordagi qiymati 65 million yevroni tashkil qiladi.
Izoh (0)