APL. “Arsenal” mehmonda g‘alaba qozondi va peshqadamga aylandi (video)

6-aprel, shanba kuni Angliya Premyer Ligasining 32-tur uchrashuvi bo‘lib o‘tdi.

Unda “Brayton” hamda Londonning “Arsenal” klublari to‘qnash keldi. Uchrashuvda mehmonlar yirik 3:0 hisobida g‘alaba qozonishdi.

“Kanonirlar” 33-daqiqada mezbonlar darvozasiga birinchi golni kiritishdi, jamoa vingeri Bukayo Saka penaltini aniq amalga oshirdi. 62-daqiqada Kay Xaverts “Arsenal”ning ikkinchi goliga mualliflik qildi. 86-daqiqada nemis futbolchisi belgiyalik Leandro Trossardga golli pas berdi.

Ushbu g‘alabadan so‘ng “Arsenal” ochkolari sonini 71 taga yetkazib oldi. Mikel Arteta jamoasi Angliya chempionati turnir jadvalida peshqadamlik qilmoqda. Ikkinchi o‘rindagi “Liverpul”da bir ochko kam va jamoada bir o‘yin kam. “Brayton” 43 ochko bilan 10-o‘rinda bormoqda.

APL

32-tur bahsi

6-aprel, shanba

“Brayton” –“Arsenal” 0:3

Gollar: 0:1 — Saka (33), 0:2 — Havertz (62), 0:3 — Trossard (86).

“Brayton”: Verbryuggen, Lempti, Dank, van Xekke, Estupinyan, Gross, Moder (Buonanotte, 63), Baleba, Ensiso (Joao Pedro, 63), Adengra, Uelbek (Fati, 76).

“Arsenal”: Rayya, Uayt, Gabriel, Saliba, Zinchenko (Tomiyasu, 72), Jorjino, Edegor (Fabiu Vieyra, 89), Rays, Xaverc (Nketia, 89), Saka (Martinelli, 64), Gabriel Jezus (Trossard, 64).

Ogohlantirish: Baleba (76), Saliba (79), Uayt (90+5).