“Liverpul” bosh murabbiyi Yurgen Klopp Germaniya terma jamoasini boshqarishi mumkin.
Avvalroq, mersisaydliklar ustozi mavsum oxirida jamoani tark etishini ma’lum qilgandi. Yaqin bir yil ichida u hech qaysi taklifni ko‘rib chiqmasligini aytib o‘tgan.
Xabarlarga ko‘ra, Germaniya futbol uyushmasi (DFB) Yevro—2024 musobaqasidan so‘ng Yulian Nagelsmann terma jamoani tark etsa, uning o‘rniga Kloppni taklif etmoqchi.
Yurgen dam olgunga qadar, Germaniya terma jamoasini Sandro Vagner vaqtinchalik boshqarib turishi, Hannes Volf esa uning yordamchisi bo‘lishi belgilandi.
Uyushma Yurgen Klopp 2025-yilning bahorida terma jamoani qabul qilib olib, 2026-yilgi Jahon Chempionatiga tayyorlashini xohlamoqda.
Eslatib o‘tamiz, Yurgen 2015-yildan buyon “qizillar” bosh murabbiyi sifatida faoliyat olib bormoqda. Uning qo‘l ostida klub Chempionlar Ligasi, APL, klublar o‘rtasidagi JCH, Angliya Kubogi, Angliya Liga Kubogi, UEFA Superkubogi, Angliya Superkubogi kabi sovrinlarni qo‘lga kiritgan.
Izoh (0)