Исроилнинг Ғазо секторига сўнгги 24 соат давомида уюштирган ҳужумлари оқибатида камида 46 нафар фаластинлик ҳалок бўлди. Бу ҳақда Anadolu нашри хабар берди.
Манбада айтилишича, ҳужум оқибатида яраланганлар сони 65 нафарга етган. Ғазо Соғлиқни сақлаш вазирлиги улар дала шифохоналарига жойлаштирилганини маълум қилган.
“Исроил босқинчилари Ғазо секторида ўтган 24 соат ичида тўртта ҳудудда қирғин амалга оширди, бунинг натижасида 46 киши вафот этиб. 65 киши яраланди”, — дейилади вазирлик баёнотида.
Расмийлар ҳалок бўлганларнинг кўпчилиги ҳали ҳам вайроналар остида қолаётганини маълум қилишган. Қутқарув бригадалари ҳудудда фаол ишлаётгани маълум қилинган.
Маълумот ўрнида, Исроил 2023 йил 7 октябрдан бери Ғазо секторига ҳужумини давом эттирмоқда. Ҳужум бошлангандан бери ҳудудда камида 33 137 фаластинлик, асосан аёллар ва болалар ҳалок бўлган. 75 815 нафари яраланган.
Изоҳ (0)