O‘zbekistonliklar Rossiyaning Yakka tartibdagi uy-joy qurilishi federatsiyasiga ishga yuborilishi mumkin. Bu haqda Tashqi mehnat migratsiyasi ma’lum qildi.
Xabar berilishicha, Rossiyaning Yakka tartibdagi uy-joy qurilishi federatsiyasi delegatsiyasi bilan uchrashuv tashkil etildi. Uchrashuvda dastlab Tashqi mehnat migratsiyasi agentligi faoliyati, mamlakatda xorijda ishlash istagidagi fuqarolarni kasbga va chet tillariga tayyorlash tizimi, mehnat migratsiyasi geografiyasini kengaytirish borasida amalga oshirilayotgan ishlar, shu jumladan, bu borada Rossiya ish beruvchilari bilan hamkorlikdagi loyihalar haqida ma’lumot berildi.
Shu bilan birga, Rossiyaning Yakka tartibdagi uy-joy qurilishi federatsiyasida mavjud mingga yaqin bo‘sh ish o‘rinlari, ushbu bo‘sh ish o‘rinlari bo‘yicha ish beruvchi korxonalar takliflari hamda fuqarolarni ishga jalb qilish imkoniyatlari muhokama etildi.
Shuningdek, delegatsiya a’zolari “Ishga marhamat” monomarkazi faoliyati bilan tanishdi.
Rossiya sohasi bo‘yicha ishlamaydigan migrantlarni mamlakatdan chiqarib yubormoqchi
Rossiyada o‘z ixtisosligi bo‘yicha ishlamagan migrantlardan mamlakatni tark etish talab qilinishi mumkin. Rossiya Mehnat vazirligi tegishli qonun loyihasi tayyorlanayotganini ma’lum qildi. Hujjat hukumatning strategik majlisi yakunlari bo‘yicha tayyorlangan bo‘lib, ish beruvchilarning migrantlarni tanlashini rag‘batlantirishga va ustuvor ishga qabul qilish konsepsiyasini mustahkamlashga qaratilgan.
O‘zbekistonliklar uchun ish takliflari
So‘nggi vaqtlarda qator davlatlar o‘zbekistonliklar uchun turli sohalarda vakansiyalar taqdim etmoqda. Endilikda o‘zbekistonlik migrantlar uchun an’anaga aylangan Rossiya o‘rnini ko‘plab yetakchi mamlakatlar egallamoqda. E’lonlar Tashqi mehnat migratsiyasi agentligi tomonidan taqdim qilinmoqda.
Izoh (0)