O‘zbekistonda 2023-yilda 14 toifadagi shaxslarga retsept orqali 68 120 ta 25 milliard so‘mlik dori vositasi va tibbiyot buyumlari bepul berildi.
AOKAda “Dori-darmon” AK rahbariyati ishtirokida o‘tkazilgan matbuot anjumanida 2023-yilda aholini dori vositalari bilan ta’minlash, joriy yildagi asosiy vazifalar haqida ma’lumot berildi. Unga ko‘ra, 2023-yil davomida:
- Sog‘liqni saqlash vazirligiga qarashli davolash profilaktika muassasalariga — 166,2 milliard so‘mlik;
- boshqa davolash profilaktika muassasalariga — 63,0 milliard so‘mlik;
- xususiy sektorga — 55,6 milliard so‘mlik;
- harbiy davolash muassasalariga — 7,0 milliard so‘mlik;
- QVP va QOPlarga — 78,4 milliard so‘mlik dori vositalari va tibbiyot buyumlari yetkazildi.
Shuningdek, ko‘chma dorixonalar orqali aholiga 3,1 milliard so‘mlik dori vositalari va tibbiyot buyumlari yetkazib berilgan. Kompaniya 130 dan ortiq mahalliy va chet ellik yetakchi ishlab chiqaruvchi korxonalar bilan hamkorlik qilib kelmoqda.
Kompaniya tomonidan 2023-yilda mahalliy ishlab chiqaruvchi korxonalar hamda mahalliy distribyuterlardan 123 milliard so‘m, xorijiy ta’minotchilardan 157,2 milliard so‘m miqdorida farmatsevtika mahsulotlari xarid qilingan. Kompaniyaning hisobot yilida umumiy tovar aylanmasi 845,2 milliard so‘mni, shundan ulgurji tovar aylanmasi 620,1 milliard so‘mni, chakana tovar aylanmasi 225,1 milliard so‘mni tashkil etdi.
2023-yilda elektron retsept orqali bepul berilgan dorilar
O‘zbekistonda 2023-yil davomida 962,6 million so‘mlik dori vositalari elektron retsept orqali bemorlarga bepul berilgan. Ushbu yil davomida qariyb 68 milliard so‘mlik ijtimoiy ahamiyatga ega dori vositalari xarid qilindi.
Izoh (0)