Toshkentda 24-mart kuni sodir bo‘lgan ikkita YTHda 10 ta mashina shikastlandi. Bu haqda poytaxt IIBB Yo‘l harakati xavfsizligi boshqarmasi axborot xizmati xabar berdi.
Chilonzor tumani Taxtagul—KXAY ko‘chalari kesishgan chorrahada soat 00:10 lardagi YTH BMW, Matiz, Kia va Malibu-2 avtomashinalari ishtirokida sodir bo‘lgan.
BMW avtomashinasi harakat davomida Matiz orqa qismiga borib urilib, so‘ng KXAY ko‘chasi bo‘ylab harakatlanib kelayotgan Kia avtomashinasi chap tomoniga urilgan. Buning zarbidan Kia avtomashinasi bir yo‘nalishda harakatlanib kelayotgan Malibu-2 bilan to‘qnashgan.
Oqibatda BMW haydovchisi va uch nafar yo‘lovchisi, shuningdek, Kia avtomashinasi haydovchisi va bir nafar yo‘lovchisi tan jarohat olgan. Ularga shifokorlar tomonidan birinchi tibbiy yordam ko‘rsatilgan.
Holat yuzasidan Toshkent shahar IIBB YHXB masʼul xodimlari tomonidan surishtiruv harakatlari olib borilmoqda.
Shu kuni soat 21:10 larda Chilonzor tumani Bunyodkor shohko‘chasida 6 ta avtomashina — Matiz, Lacetti, Epica, Lacetti, Nexia-3, Nexia-2 oldinma-ketin urilgan.
Yo‘l transport hodisasida hech kim tan jarohati olmagan.
Izoh (0)