Андижон вилояти Олтинкўл туманида Malibu ва Nexia тўқнашиб кетди. Бу ҳақда вилоят ЙҲХБ хабар берди.
Маълум қилинишича, ҳолат 5 апрель куни соат 10:20 ларда Олтинкўл тумани “Оқтепа” МФЙ ҳудудидан ўтган 4Р-112 Фарғона ҳалқа автомобиль йўлининг 127-километрида содир бўлган. 1998 йилда туғилган Б.М. ўзининг Malibu 2 сини тезликни ошириб бошқариб кетаётиб, ўзи билан бир йўналишда олдинда тўхтаб чапга бурилаётган, 1959 йилда туғилган Х.П. бошқарувидаги Nexia билан оралиқ масофасини сақлай олмасдан, қарама-қарши йўналишга ўтиб кетиб орқасидан бориб урган ва ЙТҲ содир қилган.
Ушбу ЙТҲ оқибатида Nexia ҳайдовчиси П.Х. тан жароҳати олиб, туман шифохонасига ётқизилган.
Ҳозирда мазкур ҳолат юзасидан Олтинкўл тумани ИИБ Тергов бўлинмаси ходимлари томонидан терговга қадар суриштирув ишлари олиб борилмоқда.
Бир кун аввал ҳам Андижонда аянчли ЙТҲ содир бўлган эди. Damas автомашинаси тўқнашув натижасида бошқарувни йўқотган ва ўзи билан бир йўналишда ёнма-ён келаётган 34 ёшли Н.Х. бошқарувидаги “Москвич-412” русумли автомашинасига бориб урилган.
ЙТҲ оқибатида Cobalt автомашинаси ҳайдовчи А.Г. бош чаноқ суягининг ёпиқ синиши, кўкрак қафасининг эзилиши, Damas автомашинаси ҳайдовчиси Б.А. бош чаноқ суягининг ҳамда ўнг елка ва ўмров суякларининг ёпиқ синиши, Damas автомашинаси ичида бўлган 29 ёшли йўловчи А.О. чап оёқ болдир суягининг ёпиқ синиши ташхиси билан Республика шошилинч тез тиббий ёрдам марказига ётқизилган. Кўрсатилган муолажаларга қарамай, Cobalt ва Damas ҳайдовчилари шифохонада вафот этган.
Изоҳ (0)