O‘zbekiston 2024-yilning yanvar—fevral oylarida xorijdan qiymati 8,9 million dollarga teng bo‘lgan choy import qildi. Bu haqda Statistika agentligi xabar berdi.
Qayd etilishicha, mamlakatga ikki oy davomida 6 548 tonna choy import qilingan. Choy importi o‘tgan yilning mos davriga nisbatan 178,5 tonnaga kamaygan.
O‘zbekiston ikki oyda 15 ta davlatdan choy xarid qilgan:
- Xitoy – 5 446 tonna;
- Eron – 285 tonna;
- Keniya – 275 tonna;
- Hindiston – 165 tonna;
- Qozog‘iston – 88,9 tonna.
Ta’kidlash kerakki, yanvar oyida xorijdan qiymati 4,8 million dollarga teng bo‘lgan choy import qilingan. Avvalroq O‘zbekistonning tashqi savdo aylanmasi 2024-yilning yanvar—fevral oylarida 9,9 milliard dollardan oshgani to‘g‘risida xabar berilgandi.
Izoh (0)