Ўзбекистон 2024 йилнинг январь—февраль ойларида хориждан қиймати 8,9 миллион долларга тенг бўлган чой импорт қилди. Бу ҳақда Статистика агентлиги хабар берди.
Қайд этилишича, мамлакатга икки ой давомида 6 548 тонна чой импорт қилинган. Чой импорти ўтган йилнинг мос даврига нисбатан 178,5 тоннага камайган.
Ўзбекистон икки ойда 15 та давлатдан чой харид қилган:
- Хитой – 5 446 тонна;
- Эрон – 285 тонна;
- Кения – 275 тонна;
- Ҳиндистон – 165 тонна;
- Қозоғистон – 88,9 тонна.
Таъкидлаш керакки, январь ойида хориждан қиймати 4,8 миллион долларга тенг бўлган чой импорт қилинган. Аввалроқ Ўзбекистоннинг ташқи савдо айланмаси 2024 йилнинг январь—февраль ойларида 9,9 миллиард доллардан ошгани тўғрисида хабар берилганди.