Xalq deputatlari Kitob tuman Kengashining navbatdan tashqari sessiyasi bo‘lib o‘tdi. Unda tashkiliy masala ko‘rib chiqildi, deb xabar beradi Qashqadaryo viloyati hokimligi matbuot xizmati.
Qayd etilishicha, sessiyada deputatlar Rustam G‘afurovni Kitob tumani hokimi lavozimiga tasdiqlagan.
Rustam G‘afurov 1984-yilda tug‘ilgan. Toshkent irrigatsiya va melioratsiya instituti, Qarshi muhandislik-iqtisodiyot instituti, O‘zbekiston bank akademiyasi va Prezidenti huzuridagi Davlat boshqaruvi akademiyasini tamomlagan.
Tayinlovga qadar u Qashqadaryo viloyati kambag‘allikni qisqartirish va bandlik bosh boshqarmasi boshlig‘i lavozimida ishlab kelayotgan edi.
Qashqadaryo viloyati hokimligi axborot xizmati rahbari Ahror Sodiqovning “Daryo”ga ma’lum qilishicha, 2022-yildan buyon Kitob tumani hokimi lavozimida ishlab kelayotgan O‘ktam Pardayev ishdan bo‘shash haqida ariza yozgan.
Izoh (0)