“Mehridaryo” loyihasiga Toshkent viloyati, Piskent tumanida yashovchi Mahliyo O‘talova murojaat qilib, oqqonga chalingan farzandi Dilyorbek Uskanboyevni davolatish uchun xalqdan yordam so‘radi.
— Uch farzandim bor. 2023-yilda o‘rtancha o‘g‘lim Dilyorbekka o‘tkir leykoz tashxisi qo‘yildi. Kasalligi 79 foiz ilikda, 95 foiz qonida aniqlangan. Shifokorlar bolamning yashab ketishi noaniq ekanini aytgandi. Turmush o‘rtog‘im bilan umidimizni uzmadik, shukrki, bir yarim yil ichida tanadagi blastlari ancha kamaydi. Ammo kimyo terapiya oqqon va saratonni davolagani bilan tananing boshqa aʼzolariga jiddiy taʼsir etarkan. Oyog‘ida nervologik kasallik aniqlandi, to‘pig‘i kun sayin qiyshayib ketayotgani uchun harakatlanishga qiynalyapti.
Turmush o‘rtog‘im ikki marta bel churrasidan jarrohlik amaliyotini boshdan kechirgan. Unga og‘ir ish qilish mumkin emas, ikkinchi guruh nogironi. Bolalarning nafaqa puli va ozgina chorvachilik bilan kun kechiramiz.
Shifokorlar oyog‘ini davolashdan avval yana ikki kurs kimyo terapiya olishimiz kerakligini aytishyapti. Har kuni Piskentdan kelib, bolalar gemotologiyasining kunduzgi bo‘limida davolanamiz. Poytaxtda ijara uyda yashab davolanishga imkoniyatimiz yo‘q. Ayrim dori-darmonlar davlat tomonidan beriladi, ammo qolganini o‘zimiz sotib olishimiz kerak. Afsuski, qo‘limiz kaltalik qilyapti, shu bois xalqdan yordam so‘rashga majbur bo‘ldik. Yaratgan hech bir insonni farzandi bilan sinamasin ekan, — deydi bemorning onasi Mahliyo O‘talova.
Dilyorbek Uskanboyevga xayriya qilishni istasangiz,
Izoh (0)