“Меҳридарё” лойиҳасига Тошкент вилояти, Пискент туманида яшовчи Маҳлиё Ўталова мурожаат қилиб, оққонга чалинган фарзанди Дилёрбек Усканбоевни даволатиш учун халқдан ёрдам сўради.
— Уч фарзандим бор. 2023 йилда ўртанча ўғлим Дилёрбекка ўткир лейкоз ташхиси қўйилди. Касаллиги 79 фоиз иликда, 95 фоиз қонида аниқланган. Шифокорлар боламнинг яшаб кетиши ноаниқ эканини айтганди. Турмуш ўртоғим билан умидимизни узмадик, шукрки, бир ярим йил ичида танадаги бластлари анча камайди. Аммо кимё терапия оққон ва саратонни даволагани билан тананинг бошқа аъзоларига жиддий таъсир этаркан. Оёғида нервологик касаллик аниқланди, тўпиғи кун сайин қийшайиб кетаётгани учун ҳаракатланишга қийналяпти.
Турмуш ўртоғим икки марта бел чуррасидан жарроҳлик амалиётини бошдан кечирган. Унга оғир иш қилиш мумкин эмас, иккинчи гуруҳ ногирони. Болаларнинг нафақа пули ва озгина чорвачилик билан кун кечирамиз.
Шифокорлар оёғини даволашдан аввал яна икки курс кимё терапия олишимиз кераклигини айтишяпти. Ҳар куни Пискентдан келиб, болалар гемотологиясининг кундузги бўлимида даволанамиз. Пойтахтда ижара уйда яшаб даволанишга имкониятимиз йўқ. Айрим дори-дармонлар давлат томонидан берилади, аммо қолганини ўзимиз сотиб олишимиз керак. Афсуски, қўлимиз калталик қиляпти, шу боис халқдан ёрдам сўрашга мажбур бўлдик. Яратган ҳеч бир инсонни фарзанди билан синамасин экан, — дейди беморнинг онаси Маҳлиё Ўталова.
Дилёрбек Усканбоевга хайрия қилишни истасангиз,
Изоҳ (0)