Angor hokimi “ayollar daftari” jamg‘armasi hisobidan Captiva-5 olgani bo‘yicha o‘rganish natijalari eʼlon qilinishi, Tatariston raisining Surxondaryoga tashrifi, binolardagi mozaikalar madaniy meros obyektlari qatoriga qo‘shilishi – “Daryo” nashri bugun, 27-martda eʼlon qilingan O‘zbekistonning ijtimoiy-siyosiy hayotiga oid eʼtiborga molik xabarlarni bir joyga to‘pladi.
O‘zbekistonda binolardagi mozaikalar madaniy meros obyektlari qatoriga qo‘shildi
Endilikda ushbu obyektlarning kadastr hujjatlariga ularning madaniy qiymati borligi to‘g‘risidagi yozuv qo‘shiladi.
O‘zbekistonda yo‘l bo‘yidagi maktablar oldiga, ko‘p YTH sodir bo‘ladigan joylarga video-fotoradarlar o‘rnatiladi
Bunday joylar yo‘l harakati qoidalari buzilishi hamda yo‘l-transport hodisalar tahlilidan kelib chiqib YHXX tomonidan belgilanadi.
Toshkentda ikki qavatli savdo do‘konida yong‘in yuz berdi (video)
Yong‘inni o‘chirishga 4 ta yong‘in-qutqaruv ekipaji jalb etilgan.
Toshkentda farzandini boshqa bolani urishga majburlagan otaga jazo tayinlandi
Holat aks etgan video ijtimoiy tarmoqlarda keng tarqalgandi.
Tatariston raisi Rustam Minnixanov Surxondaryoga keldi (video)
Tashrif avvalida u Al-Hakim at-Termiziy maqbarasini ziyorat qildi.
Namanganda Nexia va Spark to‘qnashib, butunlay yonib ketdi (video)
Haydovchi va yo‘lovchilar ahvoli haqida ma’lumot berildi.
Toshkentda ko‘p qavatli uy hovlisida uyatsiz harakatlar qilgan erkak 15 sutkaga qamaldi
Undan ma’muriy qamoq davri uchun 765 ming so‘m undiriladi.
Angor hokimi “ayollar daftari” jamg‘armasi hisobidan Captiva-5 olgani bo‘yicha o‘rganish natijalari e’lon qilindi
Korrupsiyaga qarshi kurashish agentligi bu xarid hukumat qaroriga zid ravishda amalga oshirilganini ma’lum qildi.
Qashqadaryoda o‘smir qiz onasining o‘limidan so‘ng otasi unga va singlisiga shilqimliklar qilayotganini aytdi
Holat bolalar ombudsmani tomonidan nazoratga olindi.
O‘zbekistonning oltita viloyatida 2-aprelgacha qor ko‘chish xavfi e’lon qilindi
Tog‘li hududlarda dam oluvchilar va haydovchilardan ehtiyotkorlik choralarini ko‘rish so‘raldi.
Angrenda 9-sinf o‘quvchisi o‘zidan ikki yosh kichik bolani o‘ldirib qo‘ydi
Viloyat Maktabgacha va maktab ta’limi boshqarmasi holat yuzasidan tafsilotlarni ochiqladi.
Toshkentdan Farg‘ona vodiysiga mikroavtobus qatnovi tashkil etiladi
Qamchiq dovoni orqali amalga oshiriladigan ushbu qatnov bo‘yicha bir qator talablar qo‘yildi.
Toshkentda avtobus yo‘nalishlarida yo‘lovchilar hisobini yuritish bo‘yicha yagona intellektual tizim joriy etiladi
Prezident tomonidan “Jamoat transportini moliyalashtirish tizimini takomillashtirish bo‘yicha qo‘shimcha chora-tadbirlar to‘g‘risida”gi qaror imzolandi.
Shavkat Mirziyoyev AQSH parlamenti delegatsiyalarini qabul qildi
Xalqaro va mintaqaviy ahamiyatga molik dolzarb masalalar, shu jumladan, Afg‘onistondagi vaziyat yuzasidan ham fikr almashildi.
Izoh (0)