Тошкентда ўтказилган “Автомобилсиз кун”, наманганлик 108 ёшли нуронийга президент номидан совға қилинган Traverse, Тошкентдаги жамоат жойларида хавфсизлик чоралари кучайтирилиши – “Дарё” нашри бугун, 29 мартда эълон қилинган Ўзбекистоннинг ижтимоий-сиёсий ҳаётига оид эътиборга молик хабарларни бир жойга тўплади.
Наманганлик 108 ёшли нуронийга президент номидан Traverse совға қилинди
Давлат раҳбари Наманганга ташрифи вақтида отахон билан суҳбатда бўлган эди.
Тошкентда ўзганинг суратларини ҳақоратли ёзувлар билан ижтимоий тармоқларда тарқатган аёл ушланди
Ҳолат юзасидан жиноят иши қўзғатилиб, унинг бошқа жиноятларга алоқадорлиги текширилмоқда.
Касби, Қарши, Тўрақўрғон туманлари ҳоким ўринбосарлари ишдан олинди, 6 та вилоят ҳокими ўринбосарига ҳайфсан берилди
Шунингдек, барча экология бошқармалари бошлиқларига синов муддати тайинланди.
Жиззахда маст ҳайдовчи 20 ёшли пиёдани уриб юбориб, унинг ўлимига сабабчи бўлди
Ҳайдовчи жабрланувчига ёрдам кўрсатмасдан, воқеа жойидан қочиб кетган.
Ўзбекистонда 1 октябргача “Узлуксиз таълим тизимининг изоҳли луғати” ишлаб чиқилади
Шунингдек, Давлат таълим стандартлари ва давлат таълим талабларининг ягона очиқ муҳокама портали ишга туширилади.
Тошкент вилояти ҳудудидаги 34 гектар ер 30 йил муддатга ободонлаштириш бошқармаларига берилади — президент
Ҳар 1 гектар учун маҳаллий бюджетдан 100 млн сўм ажратилиб, томчилатиб суғориш тизими жорий қилинади.
Экология вазирлиги “Менинг боғим” лойиҳасини ишга туширади. Бунга 50 млрд сўм ажратилади
Президент томонидан жойларда 444 та яшил боғ ташкил қилишга кўрсатма берилди.
Шавкат Мирзиёев браконьерлик учун жавобгарликни кучайтиришни таклиф қилди
Бу йилнинг ўзида 39 та ҳолатда электр билан, 436 та тўр билан ноқонуний балиқ овлаш аниқланган.
Ўзбекистонда ободонлаштириш, тозаликни таъминлаш бўйича янги тизим жорий қилинади
Ободонлаштириш бошқармалари вазифалари хусусий шериклик асосида чиқинди корхоналарига ўтказилади.
Ўзбекистондаги ҳар бир вилоятда 3-4 тадан чиқинди полигони махсус экосаноат зонасига айлантирилади
Қолган полигонларда чиқиндини вақтинча тўплаб, қайта юклайдиган станциялар ишга тушади.
Ўзбекистонда қайта ишланадиган фойдали чиқинди аҳолидан сотиб олинади
Чиқиндини саралаш учун аҳолига махсус чиқинди пакетлари бепул берилади.
Содиқ Сафоев Ўзбекистон регби федерацияси раислигига қайта сайланди
Ўзбекистон регби федерациясининг навбатдаги ҳисобот-сайлов конференцияси бўлиб ўтди.
Тошкентдаги жамоат жойларида хавфсизлик чоралари кучайтирилди (фото)
Савдо мажмуалари, кўнгилочар масканлар, бозорлар ва бошқа жамоат жойларида фуқаролар хавфсизлиги таъминланмоқда.
Муборак тумани Мактабгача ва мактаб таълими бўлими бошлиғига суд ҳукми ўқилди
Бироқ унга нисбатан ҳукм нотўғри бўлгани айтилмоқда.
Ўзбекистонда ҳар ой “Автомобилсиз кун” акцияси ўтказилади
Раҳбар ва масъул ходимлар иш жойига жамоат транспортида келиб, намуна кўрсатиб бориши белгиланди.
Метродаги транспорт вазири, “пешеход”дан ўтолмаётган Адҳам Икромов: Тошкентда “Автомобилсиз кун” тадбири бўлиб ўтмоқда
“Автомобильсиз кун” ташаббускори бўлган Табиат ресурслари вазири Азиз Абдуҳакимов давлат раҳбари раислигидаги видеоселекторга хизмат автомобилида борган.
Ўзбекистонда 2024 йилнинг биринчи чорагида ЯИМ ҳажми 6 фоиздан зиёд ўсиши кутилмоқда
Шавкат Мирзиёев иқтисодиётни барқарор ривожлантириш ва тармоқларнинг рақобатбардошлигини ошириш масалалари муҳокамаси юзасидан йиғилиш ўтказди.
Аҳоли гавжум бўладиган жойларда содир этилиши мумкин бўлган террорчилик ҳаракатларининг олдини олишга қаратилган таъсирчан чоралар кўрилади
Шавкат Мирзиёев ҳуқуқни муҳофаза қилувчи органлар ва куч тузилмалари раҳбарлари иштирокида жамоат хавфсизлигини таъминлаш масалалари юзасидан йиғилиш ўтказди.
Изоҳ (0)