Туркияда кўпчилик продюсерлар бош ролларни ижро этган актёрларнинг PR бўлган ишқий муносабатлари орқали томошабинларни ўз лойиҳасига қизиқтиришга ҳаракат қилади. Масалан, актёр Керем Бюрсин ва Ҳанде Эрчел бунга яққол далилдир.
Фильмларда жуфтлик ролини ўйнаган актёрлар ҳаётда ҳам яқин муносабат ўрнатганига мухлислар қизиқиш билдириши шубҳасиз. Фильм лойиҳаси менежерлари ва режиссёрлар эса вазиятдан ўз мақсадлари учун унумли фойдаланади. Қуйида PR учун шов-шув қўзғаган машҳур турк жуфтликларини кўриб чиқамиз.
Айча Айшин Туран ва Алп Наврўз
“Оролдаги эртак” сериалида бош ролни ўйнаган гўзал жуфтликнинг муносабатлари олов каби тез ёниб, тез ўчди. Сериал рейтинги аввалида паст кўрсаткичда эканидан хавотир олган режиссёр ва сериал ижодкорлари вазиятни тўғрилашга PR орқали эришди: интернетда Айча ва Алп муҳаббати ҳақида турли миш-мишлар тарқалди. Сериалга кўпроқ мухлислар жалб қилингандан сўнг, мазкур жуфтлик муносабатлари тугагани ҳақида эълон қилди — “севги ўйини” шартномаси якунланган эди.
Демет Ўздемир ва Жан Яман
“Тонг қуши” сериали съёмкалари жараёнида Демет ва Жан ўртасида илиқлик пайдо бўлганига ҳеч кимнинг шубҳаси йўқ эди. Маҳаллий интервьюларнинг бирида Демет “Тонг қуши” даги роль учун айнан Жандек кучли хислатларга эга актриса кераклиги ва мазкур образ Жанга жуда мослигини айтган эди. 2019 йилда оилавий маросимда актёрлар ота-оналари билан биргаликда ташриф буюрган фотолари тарқалиб кетганди. Аммо кўп ўтмай мухлислар ҳафсаласи пир бўлди: сериал прокати энг юқори чўққиларни забт этгандан сўнг жуфтлик ажрашгани маълум бўлди.
Дарвоқе, PR севги бўйича кўп бора мухлисларни “алдаган” актёр Демет Ўздемир ҳозирда Италияда яшайди.
Ҳанде Эрчел ва Керем Бюрсин
Турк сериалларининг ашаддий ихлосмандлари учун буни эшитиш оғир, лекин Ҳанде ва Керем ўртасидаги муносабатларнинг бари PR эканлигини Керемнинг ўзи тан олган. Албатта, оғриқли ажрашишдан сўнг актёр шундай тарзда ўзини оқлашга уринмоқда, деб ўйлаш мумкин. Лекин “Эшигимни қоқ” сериалидан кейин актёрлар тўхтовсиз миш-мишларга дуч келишдан чарчаган эди.
Эътиборлиси, актёрлар ишқий муносабати ҳақидаги миш-мишлар сериалнинг иккинчи фасли чиқишидан аввал бошланган. Томошабинлар эса лойиҳа тугагач жуфтлик реал ҳаётда турмуш қуришига қаттиқ ишонган эди. Бундай “романтика” актёрларга катта даромад, жаҳон миқёсида машҳурлик ва кўплаб реклама шартномалари каби янги даромад манбаини келтирди.
Алп Наврўз ва Сила Туркўғли
“Клюква шарбати” сериали туфайли актриса Сила Туркўғли турк кино саноатида кўпчилик назарига тушишга муваффақ бўлди. Унинг Алп билан жуда қисқа муносабати PR мақсадида бўлганини кўпгина манбалар тасдиқлади.
Ушбу йўл орқали Алпнинг Айче билан шов-шувли ажрашганини оқлаш ва мухлислар эътиборини янги актриса — Силага қаратиш лозим бўлган. Бу эса сериал рейтинги ўсишига олиб келган.
Мерт Рамазан Демир ва Афра Сарачўғли
Мерт ва Афра ижро этган “Қўрғон сирлари” сериалида оддий қизга уйланган Ферит исмли бадавлат йигит ҳақида ҳикоя қилинади. Сериал биринчи мавсумининг рейтинги секин-аста тушиб бораётган бир пайтда интернетда ёш актёрларнинг реал ҳаётдаги муносабати ҳақида миш-мишлар тарқала бошлади. Уларнинг турли оммавий жойларда бирга сайр қилган расмлари буни тасдиқлар эди. Сериалнинг кейинги мавсуми чиқиши шубҳа остида қолганда жуфтлик яна ОАВ эътиборига туша бошлади. Ҳозирда Мерт ва Афра муносабатларини расман тасдиқламаган, умид қиламизки, уларнинг севги ҳикояси тугаши ҳақидаги хабар мухлисларни умидсизликка тушириб қўймайди.
Демет Ўздемир ва Юсуф Чим
“Қулупнай ҳиди” сериалида бош ролларни гавдалантирган актёрлар съёмка жараёнида бир-бирига кўнгил қўйгани ҳақида хабарлар тарқалган эди. Суратга олиш ишлари тугагач, Демет ва Юсуф тез орада муносабатларни узгани маълум бўлди. Уларнинг PR муҳаббати “Қулупнай ҳиди” сериали яхши рейтингни сақлаб қолишига ёрдам берди.
Изоҳ (0)