AQSHning Florida shtatida 14 yoshga to‘lmagan bolalarning ijtimoiy tarmoqlardan foydalanishi taqiqlandi. Bu haqda Florida gubernatori Ron DeSantis xabar berdi.
“Men 14 yoshgacha bo‘lgan bolalarga ota-ona roziligisiz ijtimoiy tarmoqlarda akkauntga ega bo‘lishni taqiqlovchi qonun loyihasini imzoladim”, — dedi Florida gubernatori.
Ta’kidlanishicha, voyaga yetmagan bolalar ota-onasi ruxsatisiz ochgan ijtimoiy tarmoqlardagi akkauntlarini o‘chirib tashlashi shart.
“Qonun loyihasi bolalarni himoya qilishga qaratilgan. Davlat organlari ushbu qonunni buzgan tarmoq egalarini sudga berishga va jarimalar talab qilishga tayyorlanmoqda”, — dedi DeSantis.
Yangi qonun shtatda 2025-yil yanvar oyida kuchga kirishi rejalashtirilgan. Mazkur qonunga besh farzandning onasi, kongress a’zosi Enji Nikson qarshi chiqqan. U buni “hukumatni suiiste’mol qilish” deb atagan. Nikson qoidalar yoki qonunlar emas, balki ota-onalar o‘z farzandlarining Internetdan foydalanishi bo‘yicha qaror chiqarishi kerakligini aytgan.
Izoh (0)