Сўнгги 24 соатда Украина кучлари Россиянинг Белгород вилояти чегарасида 40 дан ортиқ отишмани амалга оширди. Бу ҳақда “ТАСС” нашри хабар берди.
Манбада айтилишича, отишмалар оқибатида етти нафар фуқаро жабрланган. Вафот этганлар ҳақида маълумот тақдим этилмаган.
Чегара чизиғи бўйлаб қирқта нуқтада ўқ отишлар содир бўлган. 5 та ҳарбий дрон Белгород вилояти ҳудудига кириб олишга муваффақ бўлган.
Украина берган маълумотга кўра, Белгороднинг 21 туманидан олтитаси ҳужумга учраган. Бомбалаш ва дрон ҳужумлари вилоятнинг Борисовский, Граиворонский, Корочанский, Красноярузский ва Шебекинский туманларида ҳам қайд этилган. 80 га яқин кўп қаватли уй ва хусусий бинолар, алоқа иншооти ва 45 га яқин автомобиль шикастланган.
Изоҳ (0)