Liviyada topilgan ommaviy qabrdan 65 nafar muhojirning jasadi topildi. Bu haqda Xalqaro migratsiya tashkiloti bergan bayonotga asoslanib, BBC nashri xabar berdi.
Xalqaro migratsiya tashkiloti maʼlum qilishicha, jasadlarning qay tarzda vafot etgani va millati hozircha nomaʼlum. Muhojirlar O‘rta Yer dengiziga yetish uchun cho‘lni kesib o‘tayotganda halok bo‘lgan deb taxmin qilinmoqda.
Ommaviy qabr Liviyaning janubi-g‘arbiy qismidan topilgan. Hozirda bu hududda ichki ishlar bo‘limlari surishtiruv olib bormoqda.
Avvalroq, Liviya qirg‘oqlaridan yo‘lga chiqqan 60 nafar muhojirdan iborat qayiq Italiya yaqinida cho‘kib ketgani maʼlum qilingan edi. Voqea oqibatida muhojirlarning barchasi halok bo‘lgan.
Xalqaro migratsiya tashkiloti bergan maʼlumotlarga ko‘ra, 2023-yilda O‘rta Yer dengizi suvlarida kamida 8565 nafar Shimoliy Afrika mamlakatlari fuqarolari halok bo‘lgan. Bu ko‘rsatkich so‘nggi 10 yillikdagi eng qayg‘uli statistika deb eʼlon qilingan edi.
Izoh (0)