Shvetsiya fuqarolik holatini qayt etish muassasalari so‘nggi 300 yildagi eng past tug‘ilish darajasini e’lon qildi. Bu haqda Anadolu nashri xabar berdi.
Xabarda aytilishicha, mamlakatda tug‘uruq holatlarini rasmiy qayd etish tizimi 1749-yilda yo‘lga qo‘yilgan. Hozirda esa rasmiy tashkilotlar o‘tgan qariyb 300 yillik statistikaga tayangan holda mamlakat eng salbiy ko‘payish tendensiyasini namoyon qilayotganini bildirgan.
Maʼlumotlarga tayanadigan bo‘lsak, shvetsiyalik ayollar o‘rtasida farzand ko‘rish adadi hozirda o‘rtacha 1,45 tani tashkil etadi. Turmush qurgan ayollarning taxminan 10 foizdan ortig‘i farzand ko‘rishni istamaydi.
O‘tgan yili mamlakatda yangi tug‘ilgan chaqaloqlar soni 2003-yildan beri eng past natija qayd etgan. Rasmiylar bu holat demografik inqirozga yetaklashidan xavotir bildirgan.
Manbaga ko‘ra, 2023-yilda 26 ta munitsipalitetda 40 tadan kam tug‘ilish holati qayd etilgan. Shimoliy Dorotea munitsipalitetida yil davomida atigi sakkizta chaqaloq dunyoga kelgan.
Mamlakatning qator hududlarida maktablar yopilgani va birlashtirilgani haqidagi maʼlumotlar tarqalgan.
Izoh (0)