Korrupsiyaga qarshi kurashish agentligi bir milliard so‘mdan ortiq bo‘lgan to‘rtta davlat xaridini bekor qildi.
Xabar berilishicha, Korrupsiyaga qarshi kurashish agentligining masofaviy monitoring tartibidagi o‘rganishlarida umumiy qiymati 1 milliard so‘mdan ortiq bo‘lgan quyidagi davlat xaridlarida qonunbuzilish holatlari aniqlandi:
- Angren shahar Obodonlashtirish boshqarmasi buyurtmachiligidagi 200 million so‘mlik;
- Jarqo‘rg‘on tuman hokimligi buyurtmachiligidagi 309 million so‘mlik;
- Oqoltin tuman tibbiyot birlashmasi buyurtmachiligidagi 300 million so‘mlik;
- Urganch ixtisoslashtirilgan maqom san’ati maktab-internati buyurtmachiligidagi 371,1 million so‘mlik davlat xaridlari.
Agentlikning taqdimnomalariga binoan yuqoridagi davlat xaridlari bo‘yicha xarid komissiyasining bayonnomalari bekor qilindi, shuningdek, to‘plangan hujjatlar huquqni muhofaza qiluvchi organlarga yuborildi.
Izoh (0)