Коррупцияга қарши курашиш агентлиги бир миллиард сўмдан ортиқ бўлган тўртта давлат харидини бекор қилди.
Хабар берилишича, Коррупцияга қарши курашиш агентлигининг масофавий мониторинг тартибидаги ўрганишларида умумий қиймати 1 миллиард сўмдан ортиқ бўлган қуйидаги давлат харидларида қонунбузилиш ҳолатлари аниқланди:
- Ангрен шаҳар Ободонлаштириш бошқармаси буюртмачилигидаги 200 миллион сўмлик;
- Жарқўрғон туман ҳокимлиги буюртмачилигидаги 309 миллион сўмлик;
- Оқолтин туман тиббиёт бирлашмаси буюртмачилигидаги 300 миллион сўмлик;
- Урганч ихтисослаштирилган мақом санъати мактаб-интернати буюртмачилигидаги 371,1 миллион сўмлик давлат харидлари.
Агентликнинг тақдимномаларига биноан юқоридаги давлат харидлари бўйича харид комиссиясининг баённомалари бекор қилинди, шунингдек, тўпланган ҳужжатлар ҳуқуқни муҳофаза қилувчи органларга юборилди.
Изоҳ (0)