Janubiy Sudan ikki hafta davom etishi kutilayotgan issiqlik to‘lqiniga tayyorgarlik ko‘rish maqsadida 18-martdan boshlab barcha maktablarni yopdi, deya xabar berdi The Guardian.
Sog‘liqni saqlash va ta’lim vazirliklari harorat 45 daraja (113F) issiqqacha ko‘tarilishi kutilayotgani sababli ota-onalarga barcha bolalarni uyda olib qolishni tavsiya qilgan.
Maktablar qancha vaqt yopiq qolishi aniq emas. Vazirliklar vaziyatni kuzatishda davom etishlarini hamda tegishli ravishda jamoatchilikni xabardor qilishlarini aytgan.
Dunyoning eng yosh davlatlaridan biri bo‘lgan Janubiy Sudan tez-tez issiq to‘lqinlarni boshdan kechiradi, lekin harorat kamdan-kam hollarda 40 daraja (104 F) issiqdan oshgan. Janubiy Sudan aholisi qurg‘oqchilik va suv toshqinlaridan ham aziyat chekadi.
Jahon oziq-ovqat dasturi zo‘ravonlik, iqtisodiy beqarorlik, iqlim o‘zgarishi va qo‘shni Sudandagi mojarolardan qochgan odamlar oqimi tufayli Janubiy Sudan gumanitar inqirozga uchrashda davom etayotganini aytgan.
Izoh (0)