Польшада норозилик билдирган фермерлар 20 мартга режалаштирилган оммавий акция доирасида мамлакат бўйлаб 270 та ўтиш пунктини тўсиб қўймоқчи.
Маълум қилинишича, мамлакат шимоли-ғарбидаги Познан атрофида 40 та пункт тўсиб қўйилади. Варшавада айни дамда шимол ва шарқда шаҳарга кириш йўлларини тўсиб қўйиш режалаштирилмоқда.
“Бу галги акция аввалгидан ҳам кучлироқ бўлади. Фермерлар жуда катта муаммога дуч келишмоқда, чунки давлатдан ҳеч қандай ёрдам йўқ”, — деди норозилик етакчиларидан бири, якка тартибдаги фермерлар бирдамлиги ассоциацияси раҳбари Томаш Обжански.
Польшада февраль ойи бошидан бери фермерларнинг норозилик намойишлари бўлиб ўтмоқда. Намойишчиларнинг асосий талаблари Украинадан Польшага қишлоқ хўжалиги маҳсулотлари импортини тўхтатиш ва 2050 йилгача атмосферага нол чиқиндиларни чиқаришни назарда тутувчи Европа Иттифоқининг экологик режаларидан воз кечишдир.
Изоҳ (0)