Buxoroda 30 ga yaqin yo‘lovchilar bo‘lgan avtobus va yuk mashinasi to‘qnashishi oqibatida bir kishi vafot etdi. Bu haqda Yo‘l harakati xavfsizligi xizmati xabar berdi.
Voqea 18-mart kuni soat 10:30 lar atrofida Buxoro viloyati, Kogon tumani hududidan o‘tuvchi A-380b avtomobil yo‘lining 32-kilometri hamda 4R-69 avtomobil yo‘lining 6-kilometri kesishgan, tartibga solingan chorrahada yuz bergan.
1991-yilda tug‘ilgan haydovchi O.Sh. boshqaruvida bo‘lgan avtobus hamda 1984-yilda tug‘ilgan haydovchi M.M. boshqaruvida bo‘lgan yuk avtomobili to‘qnashgan.
Oqibatda bir nafar avtobus yo‘lovchisi og‘ir tan jarohatlari bilan shifoxonada vafot etgan. Shuningdek, bir nafar yo‘lovchi tan jarohati olgan bo‘lib, 25 nafar yo‘lovchiga birinchi tez tibbiy yordam ko‘rsatilgan.
Ayni paytda YTH yuzasidan tergovoldi surishtiruv harakatlari olib borilmoqda.
Izoh (0)