Futbol bo‘yicha Yevropa Ligasining 1/8 final javob o‘yinlari 14-mart, payshanba kuni bo‘lib o‘tdi.
Italiyaning “Milan” jamoasi “Slaviya”ni yengdi. Ular birinchi o‘yinda ham buning uddasidan chiqgan edi. Germaniyada kichik hisobda yutqazgan «Vest Hem» o‘z maydonida raqibni yirik hisobda mag‘lub etdi. “Benfika” klubi “Reynjers”ni mehmonda mag‘lub etdi. “Vilyarreal” “Marsel”ni mag‘lub etganiga qaramay, Fransiyadagi yirik mag‘lubiyat sabab turnirni tark etdi.
Leverkuzenda drama kuzatildi. “Bayer” xuddi dastlabki bahsdagidek 0:2 hisobida ortda bordi va 10 kishi bo‘lib qolgan “Qorabog” darvozasiga qo‘shib berilgan daqiqalarda gollar urib, superkambek amalga oshirdi. Shunday qilib, Alonso jamoasining mag‘lubiyatsiz seriyasi 37 o‘yinga yetdi.
“Liverpul” «Sparta»ga ikki o‘yinda 11 marta raqiblar darvozasiga yo‘l topdi. Italiyaning “Roma” jamoasi Angliyada yutqazganiga qaramay, o‘z uyidagi yirik hisobdagi g‘alaba evaziga keyingi bosqichga chiqdi. “Atalanta” klubi “Sporting” ustidan irodali g‘alabaga erishdi.
Ushbu o‘yinlardan keyin Yevropa Ligasida 1/4 finali ishtirokchilarning barchasi aniqlandi.
Barcha natijalar:
- “Praga” – “Milan” 1:3
- “Vest Hem” – “Frayburg” 5:0
- “Reynjers” – “Benfika” 0:1
- “Vilyareal” – “Marsel” 3:1
- “Liverpul” – “Sparta” 6:1
- “Brayton” – “Roma” 1:0
- “Bayer” – “Qorabog” 3:2
- “Atalanta” – “Sporting” 2:1
15-mart kuni chorak final juftliklarini aniqlash uchun qur’a tashlash marosimi bo‘lib o‘tadi.
Izoh (0)