Futbol bo‘yicha Yevropa Ligasining 1/8 final javob o‘yinlari 14-mart, payshanba kuni bo‘lib o‘tdi.
“Milan” safarda “Slaviya” mehmoni bo‘ldi. Uchrashuvning 20-daqiqasida Chexiya jamoasi futbolchisi Golesh qizil kartochka olib, maydonni tark etdi. Qolgan daqiqalarda “Praga” bir kishi kam bo‘lib harakat qildi.
33-daqiqada Kristian Pulishich hisobni ochdi. Oradan 3 daqiqa o‘tib, Ruben Loftus-Chik hisobni ishonchli ko‘rinishga olib keldi.
Birinchi bo‘lim so‘ngida esa Rafael Leau milanliklarning uchinchi goliga mualliflik qildi. Ikkinchi bo‘limda ham “rossoneri” ustunlik qilgan bo‘lsa-da, bo‘lim oxirida “Slaviya” futbolchisi Yurasek hisobni qisqartirishga muvaffaq bo‘ldi.
Jamoalar o‘rtasidagi dastlabki uchrashuvda “Milan” 4:2 hisobida zafar quchgandi. Ikki o‘yin natijasiga ko‘ra, Italiya klubi 7:3 hisobida g‘alaba qozonib, keyingi bosqichga yo‘l oldi.
Yevropa Ligasi
1/8 final
14-mart, payshanba
“Praga” – “Milan” 1:3
Gollar: 0:1 – 33 Pulishich, 0:2 – 36 Loftus-Chik, 0:3 – 45 Rafael Leau, 1:3 – 84 Yurasek.
“Slaviya”: Stanek, Vlchek (Tomich, 46), Ogbu, Zima, Zmrzli, Dorli, Doudera (Shrans, 82), Golesh, Provod (Yurasek, 82), Vallem (Zafeiris, 70), Xitil (Yurechka, 59).
“Milan”: Menyan (Sportello, 21), Kalabriya (Kalulu, 46), Tomori (Tiav, 46), Gabbiya, Ernandes, Loftus-Chik (Reynders, 76), Pulishich (Chukvueze, 63), Adli, Musa, Rafael Leau, Jiru.
Ogohlantirishlar: Doudera (22), Tomori (44), Gabbiya (56), Tomich (86).
Chetlatish: Golesh (20).
Izoh (0)