Braziliya politsiyasi 12-mart kuni Rio-de-Janeyroda qurolli shaxs tomonidan uch soatga o‘g‘irlab ketilgan jamoat avtobusidagi 17 nafar garovga olinganlar qutqarilganini ma’lum qildi. Bu haqda Associated Press xabar berdi.
Rio-de-Janeyro politsiyasi matbuot kotibi polkovnik Markos Andrade shaharning asosiy terminallaridan birida to‘xtab turgan avtobusdagi barcha garovga olinganlar jinoyatchi bilan muzokaralar natijasida ozod etilganini aytgan.
Andradening so‘zlariga ko‘ra, otishma sodir etgan shaxs garovga olinganlardan birini politsiyachi deb o‘ylab, unga o‘q uzgan. Politsiya 34 yoshli jabrlanuvchining ahvoli og‘irligini hamda kasalxonaga olib ketilganini ma’lum qilgan.
Avtobus shahar markazidagi San-Kristovao terminalida to‘xtab turgan va qo‘shni Minas-Jerais shtatiga yo‘l olishi kerak bo‘lgan. Intervyu bergan odamlarga ko‘ra, terminalda bir necha o‘q ovozlari eshitilgan.
Izoh (0)