Germaniyaning Axen shahridagi Luizen kasalxonasida 65 yoshli noma’lum ayol bir necha kishini garovga oldi. Bu haqda Aachener Zeitung nashri xabar berdi.
Luizen kasalxonasi hududida politsiyaning yirik operatsiyasi o‘tkazilmoqda, yo‘llar to‘sib qo‘yilgan, temiryo‘l harakati cheklangan. Ayolning talablari haqida xabar berilmagan.
Hozirgi ma’lumotlarga ko‘ra, shubhali shaxs ayol hisoblanadi. U o‘qotar qurol bilan kasalxonada odamlarga tahdid qilgan va xonada yashiringan bo‘lishi mumkin. Politsiya buni tasdiqlagani yo‘q. Jarohatlanganlar haqida rasmiy ma’lumot berilmagan, — deyiladi xabarda.
Luizen kasalxonasi 378 o‘rinli va 122 ta ixtisoslashtirilgan bo‘limlar mavjud. Muassasada 1,5 mingga yaqin xodim ishlaydi.
Izoh (0)