Eronda Navro‘z arafasida nishonlanadigan Chaharshanbe-Suri bayramida 26 kishi halok bo‘ldi, 4360 kishi jarohatlandi. Bu haqda Eronning Mehr agentligi xabar berdi.
An’anaga asosan bayram paytida eronliklar ko‘chalarda gulxan yoqadi va uning ustidan sakrab o‘tadi. Shuningdek, zamonaviy urf-odatlar pirotexnika vositalaridan foydalanishni o‘z ichiga oladi.
Eronda bayram kunlarida 1,4 mingga yaqin tez tibbiy yordam stansiyalari shay holatga keltirilgan. Birgina Tehronning o‘zida bir kunda yong‘in xavfi haqida 1,8 ming qo‘ng‘iroq kelib tushgan, 2 kishi halok bo‘lgan. Asosan fuqarolar gulxan ustidan sakrash va pirotexnika vositalaridan noto‘g‘ri foydalanish oqibatida kuygan.
2023-yili ushbu bayramlar payti 700 dan ortiq odam jarohatlangan va kamida 17 kishi halok bo‘lgandi.
Izoh (0)