Anqarada 35 yoshli erkak 7 yoshli o‘g‘lini garovga olgan. U 2 hafta oldin ajrashgan turmush o‘rtog‘iga bolani berishni xohlamagan. Uning ruhiy muammolari borligi va giyohvandlikdan aziyat chekayotgani aytilgan. Bu haqda Star xabar berdi.
Nashrga ko‘ra, erkak yashagan manzilga politsiya maxsus bo‘linmasi, o‘t o‘chirish va tez yordam brigadasi yuborilgan.
Ota maxsus kuchlarning 12 soatlik urinishlariga salbiy munosabat bildirganidan so‘ng, bolani qutqarish bo‘yicha operatsiya tashkil etilgan. Otishmada ota oyog‘idan yaralanib, qurolsizlantirilgan va kasalxonaga olib ketilgan. Uning o‘g‘liga psixologik yordam ko‘rsatilayotgani aytilgan.
Voqea yuzasidan surishtiruv ishlari boshlangan.
Izoh (0)