O‘zbekistonda 2023-yil yanvar-dekabr oylarida xizmat ko‘rsatish faoliyati bilan shug‘ullanuvchi 166 ming 938 ta yuridik shaxs tomonidan 27,5 trln so‘mdan ortiq soliq to‘langan. Bu haqda Soliq qo‘mitasi matbuot xizmati xabar berdi.
Maʼlum qilinishicha, shundan 4,8 trln so‘mdan ortig‘i, yaʼni 17,7 foizi 20 ta korxona hisobiga to‘g‘ri keladi. Ularning jami tovar aylanmasi 55 trln so‘mni, qo‘llagan soliq imtiyozlari miqdori esa 3,7 trln so‘mni tashkil etgan.
Eng ko‘p soliq to‘lagan korxonalar reytingida dastlabki besh o‘rin quyidagicha:
- “O‘zbektelekom” AJ – 1 trln 076,8 mlrd so‘m;
- “Unitel” MCHJ – 842,6 mlrd so‘m;
- “Uzbekistan Airways” AJ – 651,5 mlrd so‘m;
- “Cosmoc” MCHJ – 354 mlrd so‘m;
- “O‘zbekiston temir yo‘llari” AJ – 312,4 mlrd so‘m.
20 ta soliq to‘lovchi tomonidan taʼminlangan tushumlar soliq turlari kesimida:
- QQS – 1,1 trln so‘m;
- aksiz solig‘i - 941,2 mlrd so‘m;
- JSHODS - 878,3 mlrd so‘m;
- ijtimoiy soliq - 765,5 mlrd so‘m;
- foyda solig‘i – 675,5 mlrd so‘m;
- mol-mulk solig‘i - 80 mlrd so‘m;
- yer solig‘i - 64,7 mlrd so‘m;
- boshqa soliqlar - 323,4 mlrd so‘m.
Izoh (0)