O‘zbekistonda o‘tgan 2023-yilda ishlab chiqarish sohasidagi top-5 soliq to‘lovchilar maʼlum qilindi.
Soliq qo‘mitasi xabariga ko‘ra, 2023-yilda ishlab chiqarish sohasidagi korxonalar o‘rtasida eng ko‘p soliq to‘laganlar:
- “O‘zbekneftgaz” AJ — 4,7 trillion so‘m;
- “UzAuto Motors” AJ — 2,5 trillion so‘m;
- “UZBAT A.O.” AJ — 2,4 trillion so‘m;
- “Issiqlik elektr stansiyalari” AJ —1,4 trillion so‘m;
- “Buxoro neftni qayta ishlash zavodi” MCHJ —1 trillion so‘m.
O‘zbekistonda 2023-yil yanvar—dekabr oylarida ishlab chiqarish faoliyati bilan shug‘ullanuvchi 67 322 ta yuridik shaxs tomonidan 41,6 trillion so‘mga yaqin soliq to‘langan. Shundan 18,9 trillion so‘mi 20 ta soliq to‘lovchi hisobiga to‘g‘ri keladi. Ularning tovar aylanmasi 162,5 trillion so‘m, qo‘llangan soliq imtiyozlari miqdori esa 2,5 trillion so‘mdan oshgan.
Ushbu soliq to‘lovchilar tomonidan taʼminlangan tushumlar soliq turlari kesimida:
- QQS — 6,5 trillion so‘m;
- aksiz solig‘i — 3,7 trillion so‘m;
- yer qaʼridan foydalanganlik uchun soliq — 2,1 trillion so‘m;
- foyda solig‘i — 1,9 trillion so‘m;
- JSHODS — 1 trillion so‘m;
- ijtimoiy soliq — 921,7 milliard so‘m;
- mol-mulk solig‘i — 642,3 milliard so‘m;
- yer solig‘i — 343,2 milliard so‘m;
- suv resurslaridan foydalanganlik uchun soliq — 110,6 milliard so‘m;
- boshqa soliqlar — 1,5 trillion so‘m.
Izoh (0)