O‘zbekistonda savdo sohasidagi korxonalar tomonidan 2023-yilda 20,3 trillion so‘mga yaqin soliq to‘langani ma’lum bo‘ldi.
Xabar berilishicha, 2023-yil yanvar—dekabr oylarida savdo faoliyati bilan shug‘ullanuvchi 151 340 ta yuridik shaxs tomonidan 20,3 trillion so‘mga yaqin soliq to‘langan. Shundan 1,8 trillion so‘mi, ya’ni 8,8 foizi 20 ta korxona hisobiga to‘g‘ri keladi. Ularning jami tovar aylanmasi 42,9 trillion so‘mni tashkil etgan, qo‘llagan soliq imtiyozlari miqdori esa 759,1 milliard so‘mga yetgan.
Ushbu 20 ta soliq to‘lovchi tomonidan ta’minlangan tushumlar soliq turlari kesimida:
- QQS — 641,4 milliard so‘m;
- foyda solig‘i — 430,9 milliard so‘m;
- JSHODS — 269 milliard so‘m;
- aksiz solig‘i — 233,9 milliard so‘m;
- ijtimoiy soliq — 123,3 milliard so‘m;
- mol-mulk solig‘i — 23,4 milliard so‘m;
- yer solig‘i — 12,2 milliard so‘m;
- boshqa soliqlar — 45,1 milliard so‘m.
Izoh (0)