J.D. Power agentligi tomonidan e’lon qilingan ma’lumotlarga ko‘ra, Chevrolet brendi dunyodagi eng ishonchli avtomobil brendlari ro‘yxatida 4-o‘rinni egalladi.
J.D. Power and Associates 1968-yilda Jeyms Devid Pauer tomonidan asos solingan va global marketing hamda axborot xizmatlarini taqdim qiluvchi Amerika kompaniyasi hisoblanadi. Xususiy korxona mijozlar ehtiyojini qondirish bo‘yicha o‘zining so‘rovnomalarini o‘tkazadi, mahsulot sifatini baholaydi va avtomobilsozlikdan tortib marketing va reklamagacha bo‘lgan turli sohalar uchun iste’molchilarning xatti-harakatlarini o‘rganadi.
Kompaniya o‘zining eng katta mashhurligiga yangi avtomobillar sifati va ularning uzoq muddatli ishonchliligi bo‘yicha mustaqil tadqiqotlari tufayli erishgan.
J.D. Power agentligining eng ishonchli avtomobil brendlari reytingida 1-o‘rinni Toyota Motors’ning premial avtomobil markasi hisoblangan Lexus egalladi. Ikkinchi o‘rindan Toyota joy olgan bo‘lsa, 3-o‘rin General Motors’ga tegishli Buick markasiga nasib etdi.
General Motors kompaniyasining Chevrolet markasi esa, yuqorida ta’kidlanganidek, 4-o‘ringa munosib ko‘rildi.
BMW konserniga tegishli MINI avtomobil markasi eng ishonchlilar ro‘yxatida 5-o‘rinni band etdi. Umuman olganda, ro‘yxatga nazar tashlansa, keyingi o‘rinlarni Porsche, Mazda, Kia, BMW va Dodge egallaganini ko‘rish mumkin.
Izoh (0)