J.D. Power агентлиги томонидан эълон қилинган маълумотларга кўра, Chevrolet бренди дунёдаги энг ишончли автомобиль брендлари рўйхатида 4-ўринни эгаллади.
J.D. Power and Associates 1968 йилда Жеймс Девид Пауэр томонидан асос солинган ва глобал маркетинг ҳамда ахборот хизматларини тақдим қилувчи Америка компанияси ҳисобланади. Хусусий корхона мижозлар эҳтиёжини қондириш бўйича ўзининг сўровномаларини ўтказади, маҳсулот сифатини баҳолайди ва автомобилсозликдан тортиб маркетинг ва рекламагача бўлган турли соҳалар учун истеъмолчиларнинг хатти-ҳаракатларини ўрганади.
Компания ўзининг энг катта машҳурлигига янги автомобиллар сифати ва уларнинг узоқ муддатли ишончлилиги бўйича мустақил тадқиқотлари туфайли эришган.
J.D. Power агентлигининг энг ишончли автомобиль брендлари рейтингида 1-ўринни Toyota Motors’нинг премиал автомобиль маркаси ҳисобланган Lexus эгаллади. Иккинчи ўриндан Toyota жой олган бўлса, 3-ўрин General Motors’га тегишли Buick маркасига насиб этди.
General Motors компаниясининг Chevrolet маркаси эса, юқорида таъкидланганидек, 4-ўринга муносиб кўрилди.
BMW концернига тегишли MINI автомобиль маркаси энг ишончлилар рўйхатида 5-ўринни банд этди. Умуман олганда, рўйхатга назар ташланса, кейинги ўринларни Porsche, Mazda, Kia, BMW ва Dodge эгаллаганини кўриш мумкин.
Изоҳ (0)