Pentagon o‘zga sayyoraliklar mavjudligi va AQSH hukumatining ular bilan o‘zaro aloqasi haqida hech qanday dalil topa olmadi. Departamentning xulosalari 8-mart kuni AQSH Kongressiga barcha sohalardagi anomaliyalarni hal qilish uchun maxsus idora (AARO) tomonidan taqdim etildi. Bu haqda Deutsche Welle xabar berdi.
Hisobot mualliflari 1960-yillarda nomaʼlum uchar jismlar (NUJ) haqidagi hisobotlarning ko‘payishini Amerika ayg‘oqchi samolyotlari va kosmik texnologiyalar sinovlari bilan bog‘lagan.
Hisobotda aytilishicha, NUJ haqidagi ko‘plab maʼlumotlar mavhumligicha qolmoqda. Biroq, ekspertlarga ko‘ra, “ko‘proq va sifatli maʼlumotlar yordamida” bu holatlarning aksariyati tekshirilishi va ular o‘zga sayyoraliklar harakati bilan bog‘liq emas, degan xulosaga kelish mumkin. Biroq AARO ularning hisoboti ko‘pchilikning o‘zga sayyoraliklar borligiga ishonchini yo‘qqa chiqarmasligini tan olgan.
2021-yil iyun oyida AQSH razvedkasi NUJ hukumatning milliy xavfsizligiga tahdid solishi mumkinligi haqida hisobot chop etgan. 2004 va 2021-yillar oralig‘ida idora NUJ kuzatilishi mumkin bo‘lgan 144 ta holatni sanab o‘tgan, ularni izohlashning imkoni bo‘lmagan.
2020-yil avgust oyida Pentagon NUJ kuzatilishi holatlarini o‘rganish bo‘yicha maxsus ishchi guruh tuzilganini eʼlon qilgan edi.
Izoh (0)